Home ارشاد اسرى الأبن الاتكالي الذي لا يعتمد على نفسه .

الأبن الاتكالي الذي لا يعتمد على نفسه .

الأبن الاتكالي الذي لا يعتمد على نفسه .
0
0

ابنى طلع شخص اتكالى اعمل ايه !!!!!!!!

الاخصائى / دعاء اليمنى 

المقوله الشهيره

(ابنى طلع انسان لا يعتمد عليه)
(ابنى طلع شخص اتكالى)
(ابنى طلع مش بيحب غير نفسه)

اكيد مننا اسر كتيييير اوى كل يوم بتسأل نفسها الاسئله ديه … صح

ياريت قبل منقول اى كلام نحدد الاول المعنى الحرفى لكلمة “ابنى طلع” طلع منين وطلع ايه…

اللى طلع ده اكيد طلع من حاجه كان جواها والحاجه ديه هى بيته واسرته ووالده ووالدته…اكيد

لما اجيب لابنى اللعبه اللى تقع منه على الارض وهو صغير ومعلموش ازاى يجبها ….يبقى مسألش

لما آكل ابنى بنفسى ومسمحلوش ياكل بأيده واختلق الاعذار الغريبه ( عشان يخلص بسرعه – اخاف يبهدل نفسه – انا مش فاضياله طول النهار-البيت يتبهدل)يبقى مسألش

ولو تذكرنا سويا حديث الرسول الكريم المعلم الاعظم والمربى الجليل فى قوله صلى الله عليه وسلم
(يا غلام سمى الله وكل بيمينك وكل مما يليك) صدق رسول الله

اظن مر علينا هذا الحديث الشريف وعلى اولادنا ولكن من استفاد منه وعزز هذه الصفات فى اولاده…
تأملوا معى كلمات الحديث…بطريق تربويه:

1. كلمة “يا غلام” يعنى يا صغير بمعنى ان نربى ونعلم منذ الصغر… “سمى الله” وهذا يحثنا على البدء فى كل شئ بذكر الله والتوكل عليه سبحانه وتعالى.

2. “كل” وهو اسلوب امر يعنى ان اقوم بالفعل بنفسى واطاعة الاوامر والاعتماد على النفس…
“بيمينك” خاصه بأتباع السنه والبعد عن التشبه بالشيطان.

3. “كل مما يليك” وهى هامه جدا …وبها معانى كثير…
فهى تعلمنا احترام الجلوس على المائده والتصرف بأدب اثناء الاكل وايضا القناعه والرضا .. وعدم التعدى على ممتلاكات الغير واحترام الاخر فى جمله واحده بليغه ….

علم طفلك منذ الصغر ان لا ينظر لغيره ويشتهى ما فى يده ويحمد الله على نعمه وان يراعى الاخر وينشغل بنفسه دون التعدى على حق احد…

وغيريها من الاحاديث واﻵيات القرأنيه التى تحثنا على كيفية الاعتماد على النفس وتربية الابناء تربية قويمه سويه.

ارجع تانى اكلم ماما وبابا عن كيفية بناء طفلى الصغير منذ نعومة اظافره…
مهم اوى انى اعلم ابنى انه فرد فى الاسره… فرد فى مدرسه …اى انه فرد فى جماعه له ماله وعليه ما عليه..له حقوق وعليه واجبات

اعرفه يعنى ايه اعتمد على نفسى احترم حقوق اخواتى واصحابى وجيرانى…
وفى نفس الوقت احب نفسى ولا اسمح لاحد بالتعدى على حقوقى.

فكرت بطريقه مبسطه اقترح عليكم بعض النقاط التى يجب ان نتبعها فى التعامل اليومي مع ابناءنا…

1.خلى ابنك الصغير يأتى بألعابه بنفسه عندما تسقط من يده (ساعده فقط)
2.خليه يتعلم يأكل بنفسه عند سن سنتين (ساعده فقط) حتى يتمكن من الاكل بمفرده
3.عند دخول الطفل الحضانه او المدرسه خليه مسؤل عن خلع حذائه ووضعه فى المكان المخصص لذلك بنفسه وشاهده عن قرب وشجعه.
4. خليه يرجع شنطة المدرسه مكنها بنفسه ولو رفض صر على الامر بصبر وكرر الطلب مرات حتى يفعل.
4.لما يخلص اكل يضع الاطباق فى المطبخ بنفسه ممكن اساعده حتى يصل الى المكان المخصص.(متابعه فقط)
5.الواجبات المدرسيه…فى البدايه والسن الصغير معاونه ومتابعه..
كبر شويه…ارشده فقط ولا اجلس بجانبه ابدا .
6.يوم الاجازه ينظف حجرته بنفسه ويرتبها ولو صغير يساعدنى.

واخيرا اعلموا ان التربيه السويه ليست شعارات ولا صراخ ولكنها زراعه صفات والصبر على الحصاد…

حتى لا يأتى اليوم الذى اجد نفسى فى حيره من امرى وابدأ بطرح الاسئله التى بدأت بها حوارى معكم.
انا من غرزت الحبه وانا من سقيتها وانا من يحصدها…
فلتنظروا ماذا انتم زارعون ايها الاباء…اعزكم الله وانبت ابنائكم على التقوى والسلوك الحميد.

<!-- This website is like a Rocket, isn't it? Performance optimized by WP Rocket. Learn more: https://wp-rocket.me - Debug: cached@1566286114 -->