Home التعليم المرن نشاط الصنية و الملح للأطفال لكل أم .

نشاط الصنية و الملح للأطفال لكل أم .

نشاط الصنية و الملح للأطفال لكل أم .
0
0

صينيه الملح 

الاخصائى : -ساره جمعه 

 صينية الملح  أو صينية الرمل ( رمل عادى او ملون او كريستالى ) .

دى ايه وفايدتها ايه ؟!؟!

صينية سورها قصير بحيث يقدر الطفل يحرك صوابعه فيها من غير ما يتعب ذراعه
بحط فيها ملح او رمل او رمل ملون او كريستالى بكميه معقوله .

سن سنه ونصف .

لعبه الطفل بيحبها جدااااااا  , اى طفل هيحب اى نشاط فيه لعب بالصوابع والايد و بيلعب ف ماده من الطبيعه
الطفل ممكن يبدأ من اول انه يحفر خطوط بصوابعه جوة الملح ” خطوط مستقيمه , منحنيه , متموجه , اى خطوط براحته “ولو الطفل كبش بإيده الملح برضه تمام   .طيب لو سن اكبر شويه ممكن يعمل ايه ممكن ارسمله خطوط على ورق جنب الصينية وهو يقلده جوه الملح او الرمل .

سنتين ونصف و 3 سنين :

في السن ده ابدأ اخليه يكتب ف الملح يتعلم كتابه الحروف سواء عربى او انجليزى والارقام فى الملح او الرمل .
اجيب كروت للحروف والارقام واخليه يقلد جوه الرمل ( لازم طبعا اكون بعلم الطفل الحاجات دى بطرق تانيه علشان يعرف الكم والقيمه العدديه وده بمكعبات وعصيان وحاجات تانيه كتير ) .
يعنى متبقاش دى الطريقه الوحيده لتعليم الطفل
تمام كده
بعد ما يتعلم الطفل يكتب بصوابعه ف الملح الحروف والارقام
نبدأ نجيب قلم او ريشه او شاليمو
ويكتب بيهم الطفل برضه ف الملح

كده انا عملت ايه ؟

مرنت أصابع الطفل وأهلته للكتابه
مشيت معاه بالتدريج من اول خطوط بسيطه وحتى كتابه حروف وارقام
زودت تركيزه والتناسق الحركى بتاعه
وطورت التآذر العضلى البصرى
كده انا عندى طفل لما يمسك القلم ويكتب هتكون عضلات ايده مستعده للكتابه
وعقله واعصابه وحواسه ادركت المهاره بالتدريج ووببساطه
من غير ما احطه ف ضغط

ممكن طبعا اعمل حاجات كتير مبتكره ف الكتابه على الملح
مش لازم اكتب الرقم والطفل يقلده
ممكن اجيبله مجموعه حاجات يعدها ويكتب الرقم الناتج ف الملح
ممكن اجيبله صوره حيوان او فاكهه او خضار او اى حاجه واطلب منه يكتب اول حرف فيها عالملح
النشاط بسيط وسهل تنفيذه ف البيت جدااااااا
ومليان تفاصيل ممكن تتعمل تفيد الطفل

 

 

<!-- This website is like a Rocket, isn't it? Performance optimized by WP Rocket. Learn more: https://wp-rocket.me -->