Home ارشاد اسرى ليه الناس مش بتفهمنا ؟

ليه الناس مش بتفهمنا ؟

ليه الناس مش بتفهمنا ؟
0
0

⁠⁠محدش حاسس بيا !!!!!!

الاخصائى / ريهام ابو سنه 

محدش فاهمني ” كلهم أنانيين” ؛ “اختيارات غلط” ..
تهمه موجهه غالبا للي حواليك بشكل صريح. ..
احساس الناس بينا عادة مبيكونش بنفس القوة اللي إحنا بنحس بيها نفسنا؛ يعني بتنتظر من اللي حواليك يكون الرادار عندهم عالي ناحيتك ويلقط بسرعه مواضع التفهم لمشاعرك وأفكارك؛ ولما دا مش بيحصل بتستغرب وتحزن وتغضب. .ازاي هم كدا ؟ ودنيتهم ماشيه ؟؟

وليه اللي بحبهم مش بيكونوا جنبي لما بحتاجهم زي ما أنا بعاملهم بزبط؟!! وردود الأفعال بتطلع بكذا طريقة وممكن جدا تأذي. .

من الأسباب المهمه للإحساس دا ؛ الشخص نفسه _أنت _ والتعود على عدم التعبير عن النفس ؛ بتحب إيه ، بتكره إيه ، آراءك وأفكارك. ..
“أصلي بخاف حد يزعل مني ف باجي على نفسي وأسكت وأبقى لطيف وأوافق على رأيهم وأمشي الدنيا ..وبلاش مشاكل ”
طيب هي الدنيا مشيت ؟؟ ﻷ محلك سر. ..ليييييييييه؟؟
فين حقك في الكلام والتعبير عن ذاتك ومشاعرك، اتكلم وقول اللي يريحك ويرضيك، حاسس إزاي “حلو ولا وحش”؟؟ خد فرصتك كامله في اختياراتك وقراراتك. ..وممكن جدا تغلط؟؟؟
ما تغلط. .كلنا بنغلط. .بس بعيد عن حدود وشرع الله وعاداتنا اللي بتحكم أخلاقنا وتربيتنا. … وراجع نفسك ده حقك في الحياه اللي شرعه لك رب العالمين وحقك على اللي حواليك على فكره. …

انت اللي قصرت في حق نفسك وقت ما قررت تسكت ومتكلمتش وقت ما كان الكلام والنقاش هوا الحل !!! وممكن كانوا بيحاولوا معاك فعلا ومقدروش لأنهم معرفوش يفهموك من سكوتك واتصرفوا بشكل مش مناسب وتجاهلوا أولوية احتياجاتك وتلبيتها بس “لأنهم ميعرفوش”
يعني محاولات يائسه تماما ومش عارفين فين مفاتيحك أصلا! !! أنت بدون قصد منك مساعدتهمش يساعدوك ولا يحسوك ولقيت نفسك لوحدك بدون مشاركه حقيقيه ولا حد فاهمك. …

ابتدي وافهم نفسك الأول لأنك تعرف عنها اللي محدش يعرفه ومعلوماتك عن الآخر مش اكتر من قشور مش حتعرف ولا حتشوف غير الظاهر بس لحد ما تسمح العشرة الحقيقيه والمساحات المشتركه في مجالات كتير لفهمهم….
في ناس كتير ما يعرفوش لسه عن نفسهم كفايه وكل مدى بيكتشفوا فيها حاجه
اسمع صوتك من جوه وشوف احتياجاتك الأول وعبر عنها بوضوووح وبصوت مسمووووع بينك وبين نفسك وحس إنك شبعت ووعيت وفهمت وبعدين عبر وعبر وعبر واطلع بره حاجز الكسوف الكداب ده ، وقول بوعي واتزان اللي انت عايزه وخد من من دنيتك حقك في الحياه باللي فيها وزي ما هو مكتوب لك منها حتاخد. ..
ساعد نفسك وأبدأ وحتوصل وحتتغير حاجات كتير اتعطلت جواك وحتشوف نفسك بنفسك وهتحس الحياه بلون مختلف وطعم جديد 

<!-- This website is like a Rocket, isn't it? Performance optimized by WP Rocket. Learn more: https://wp-rocket.me - Debug: cached@1571578691 -->