Home منوع ما هي مهارة الأغلاق السمعي عند الأطفال ؟

ما هي مهارة الأغلاق السمعي عند الأطفال ؟

ما هي مهارة الأغلاق السمعي عند الأطفال ؟
0
0

ماهي مهاره الاغلاق السمعي ؟

يعني ايه اغلاق سمعي؟

الاغلاق السمعي يعني الطفل يقدر يكمل كلمه او جمله ناقصه

س طيب ودا فايدته ايه يا ا/ جهاد؟!

مهم لانه هيزود انتباهه وتركيزه السمعي وهيطور مهاره الربط والادراك السمعي وكمان هيزود قدرته علي التخيل

س مش فاهمه 😒

ج هفهمك . بعض الاطفال بيكون عندهم مشاكل في انهم يسمعوا كلمه ناقصه ويكملوها ودا بيسببلهم مشاكل كتير في الاكاديمي وفي الطلاقه اللغويه عموما

والربط السمعي دا ياستي مسؤول عن انه يخليه يقدر يكون كلمات ثم عبارات وبكده يكون عنده طلاقه لغويه سواء في المحادثات او القراءه

والادراك السمعي هو العنوان الكبير الي كل الحاجات دي بتندرج تحته. ومهمته ان اي حاجه الطفل يسمعها يقدر يستوعبها ويفهمها

ياااااه دي حاجه عامله زي شجره ومرتبطه ببعضها ياأ/جهاد

ايواااا بالظبط هي حاجات مرتبطه ببعضها والخلل في واحده من المهارات دي بيعمل مشاكل كتير وخاصتا في الاكاديمي

لان الطفل الي عنده مشاكل في الاغلاق السمعي بيكون صعب عليه اني اديله كلمه او جمله ويقولي الجزء الناقص وحدث ولا حرج بقا 💔

س.طيب ودا علاجه ايه😔

ج الموضوع بسيط جداااا احنا هنديله الاول كلمات بسيطه ناقصه وهو يكملها وبعدين هنتدرج في الصعوبه

هديكي بقا مثااال

مل ملعب او ملبن
مك مكتب او مكوي او مكه
مش مشمش او مشبك
شم شماعه او شمسيه
كر. كراسه او كوره
جر. جرس
بح. بحر
بل بلبل او بلح او بربون
سم سماعه او سمكه

دي كدا امثله للاغلاق السمعي ولو هتشتغلي مع طفل صغير اشتغلي باسماء حاجات موجوده حواليه وممكن تستعيني برسمه لحد ميدرك الفكره

ا/ جهاد عبد القادر أخصائي صعوبات تعلم

<!-- This website is like a Rocket, isn't it? Performance optimized by WP Rocket. Learn more: https://wp-rocket.me -->